食LeTao芝士蛋糕嘅藝術 - 荷蘭文化嘅 gezelligheid

由 Ken Ho 撰寫

新嘅一日又嚟喇。自我語言老師嚟咗香港之後,我哋一齊去咗好多連我自己都冇去嘅地方。而今日我哋就約咗我透過Dyami認識嘅Mike去行馬鞍山郊遊徑(Ma On Shan Country Trail)。有時候,Dyami認識嘅人多到連作為香港人嘅我都比佢嚇親。佢對香港嘅認識,好可能比土生土長嘅香港市民仲要多。

DSC_1557.JPG
照片:我起今年三月十九號,透過Dyami Millarson,第一次認識到好Friendly 嘅阿Mike。起個一日,佢帶我哋去行油麻地唔同嘅地方。呢張相係起油麻地玉器市場都影嘅

起出發去會合同我哋兩個年紀相若嘅阿Mike之前,我哋先起屋企品嚐咗個尋日我哋好榮幸起位於中環國際金融中心(IFC) 嘅LeTao獲贈試食嘅雙層芝士蛋糕(Fromage Double)。作為LeTao其中嘅Signature Dish,Fromage Double由我尋晚訓覺之前,一直都朝頭早我起身為止,不斷起我嘅腦海逗留,纏繞著我嘅思緒。畢竟,我本身係一個好鍾意芝士蛋糕(Cheese Cake)嘅人嚟嘅。行過餅店,我都忍吾住要望下個櫥窗,睇下有無芝士蛋糕買。而今次,單單係Fromage Double 呢個咁浪漫嘅法文名就已經令我垂涎三尺。唔講唔知,法文fromage呢隻字係來自拉丁文(Latin)嘅forma。起英文,我哋都有form呢隻字,意思係一樣嘢嘅形態。例如話,我哋起英文成日會用到嘅phrase『in the form of』,都係解作某一樣嘢而另一樣地嘅形式或者形態出現。而英文Form呢隻字嘅祖先,即係拉丁文嘅Forma,俾當時嘅人用起一個意思狹窄好多嘅環境,令到Forma只係解一個整餅嘅模(mould)。由於芝士係透過將凝乳(curd)壓扁(compress) 並放入一個特定嘅模(mould),然後等佢自己凝固同成型嘅產品,起法文當中,就用咗-age呢個字尾(word ending)嚟到構成一個有關模(mould)嘅抽象名詞(abstract noun)。簡單嚟講,fromage (將隻字拆開,即係from- (form-)加 -age)嘅意思就係,同模(mould)有關嘅嘢(something related to the mould),或者來自模(mould)嘅一樣嘢(something coming from the mould)。而芝士,正正就係一樣來自模嘅製品,因此起法文就叫做 fromage。(有興趣再深入研究,點解拉丁文嘅forma,起發文會變咗from-,即係個 『r』嘅位置走咗位,可以查下起語言學(linguistics)個叫metathesis嘅概念。有咩問題,可以起留言都同我哋傾呀!)
DSC_5728.JPG
照片:來自LeTao嘅雙層芝士蛋糕(Fromage Double)。起將個圓形嘅蛋糕紙盒起個保溫袋到拎出嚟嘅時候,我興奮嘅心情真係難以形容呀。

點都好,我今日一起身,就好想食個 Fromage Double。但係我記得Dyami講過,荷蘭人嘅文化就係有咩重要嘢做嘅時候,都要一齊做。例如話我上年八月十一日起Dyami荷蘭弗里斯蘭省透過我嘅生日嘅時候,我哋切蛋糕,飲香檳,甚至食Dyami阿爸自家製,需要起焗爐到焗嘅嘅pom,都要一齊食。原因係,荷蘭人都好著重一齊嘅時光(荷蘭文:gezelligheid)。佢哋圍內成日都用gezellig呢個形容詞(adjective)嚟形容成大班好友一齊做得好開心嘅嘢。無論果件事起外人嚟睇幾咁無聊都好,只要係佢哋一齊做嘅嘢,呢樣嘢比佢哋嘅感覺就係gezellig,非常好嘅意思。呢一點,好多初初學荷蘭文(Dutch)嘅人都會覺得有趣,因為荷蘭人成日講,但又係好難解釋嘅一個概念。知道咗之後,你對荷蘭嘅文化(Dutch culture)又已經比人進步咗一大截啦!

基於上述嘅考慮,我就決定等埋梳洗間嘅Dyami,先至拆開個Fromage Double。我當時順便拎埋個尋日起LeTao度買嘅 黃金芝士蛋糕(parfait d’or fromage) 嚟試下,嚟一個芝士蛋糕派對!
DSC_5743.JPG
照片:我哋嘅LeTao 芝士派對大餐有(1)Dyami Millarson 手上揸住嘅雙層芝士蛋糕(Fromage Double),(2)同埋我渣住嘅 黃金芝士蛋糕(Parfait D’or Fromage)。真係等唔切快啲有得食呀!

當大家買晒位嘅時候,我哋首先欣賞下Fromage Double 嘅圓形紙盒嘅包裝。上面寫著『Deux couches composées de mascarpone et de fromage à la crème』。由於我自己本身對拉丁文嘅認識,而自學過法文(French),所以我明白佢寫嘅意思係話呢個芝士蛋糕係由兩層(deux couhes)芝士,一層係意大利軟芝士(Mascarpone),而另一層係有奶油嘅芝士(fromage à la crème) 嚟構成嘅。我睇落都流晒口水,想即刻食到。裏邊仲有個靚靚嘅,一般外國芝士都會用到嘅奶油紙包住嘅蛋糕。上面仲有解釋儲存同食用呢件蛋糕嘅方法,夠晒貼心。當Dyami用把刀切落件蛋糕都幾時候,佢已經話感覺都件蛋糕好軟熟。我食落去,件蛋糕仲係起唔洗咬嘅情況下,一接觸到口腔嘅暖流就瞬間咁融咗。Dyami話佢自己好似食緊雪糕咁添。我哋再三咁品嘗件蛋糕,並用刀輕輕咁掠過蛋糕嘅表面,見到幼細蛋糕嘅粉末隨著刀面滑落,好似落雪咁,好有個種置身于北海道嘅感覺。

我哋得不及待食埋件黃金芝士蛋糕(Parfait D’or Fromage)。為咗品嚐到佢真正嘅味道,我哋用新嘅餐具,而呢個亦都係我哋對食物嘅尊重。黃金芝士蛋糕與眾不同之處,在於佢係用三款唔同嘅芝士來做嘅,分別係來自北海道嘅金文拔芝士(Camember)同埋忌廉芝士(Cream Cheese),加上來自意大利嘅意大利芝士(Mascarpone)。個感覺好強烈,好intense。呢三種芝士完美嘅配合,係我從來都未試過嘅。我感覺到件黃金芝士蛋糕非常珍貴,基本上食一啖就已經係滿足到每個喜好甜食嘅人每一日嘅願望。佢咁精緻嘅原因,帶出咗『貴精不貴多』嘅重要訊息。有時候,我哋想食甜點就係想食到個一啖扣人心弦嘅感覺。太多,反而會弄巧反拙。所以,呢件黃金芝士蛋糕,絕對係想一啖傾心嘅甜點愛好者嘅首選。
DSC_5768.JPG
照片:擁有三種唔同芝士於一身嘅黃金芝士蛋糕(Parfait D’or Fromage)。佢濃郁嘅口感,令你一啖就已經滿足甜點愛好者整日對甜點嘅需求。

滿足晒所有嘅願望之後,我哋就出發去烏溪沙站(Wu Kai Sha Station),去迎接今日邀請我哋一齊去行馬鞍山郊遊徑(Ma On Shan Country Trail)嘅阿Mike。今日Mike帶咗佢嘅朋友嚟,叫Michael,係一個攝影愛好者。我哋行山嘅期間,我哋都有談及我哋嘅語言項目(Language Project)。我解釋話一個語言嘅消失唔止關乎嘅唔止係聲音同文字,牽涉到嘅仲係母語者(native speakers)自身嘅故事,經歷,以至到佢人生哲理同世界觀(world view)。更甚者,母語者都係盛傳祖先傳統習俗嘅載體(cultural  vehicle)。所以,一旦佢哋嘅語言消失,唔知係佢哋自己,仲要係佢哋祖先嘅知識,文化同歷史都會會消失。我哋一直重視嘅起地球上人類嘅多元化(diversity)就會因此而變得失色。所以話,我哋個語言項目(Language Project),唔係一個單單為咗挑戰自我學習語言能力嘅項目,而係個想幫助社會反思語言消失對佢哋社區起文化同歷史嘅層面上嚴重嘅影響,從而多啲關注少數語言(minority languages)嘅流傳。

我哋一路行,一路傾,樂得不亦樂乎。行下行下,踏過山澗嘅石級,找到達山頂昂坪附近嘅山巒。果度有上面睇到西貢,而附近更加有人還降落傘(parachute),好多一家大細都襯好天來到共聚天倫之樂。Michael仲用佢專業嘅攝影器材,同我哋起對住附近嘅山巒影咗好多張相添。真係唔該晒Michael呀!
DSC_5830.JPG
照片:起馬鞍山亭嘅四人大合照。照片我後面戴著帽著黑色衫嘅Michael,就係我後面著住橙色衫嘅Mike帶嚟嘅新朋友。Michael,歡迎你呀。
DSC_5822.JPG
照片:Mike, Dyami 同我倒咗昂坪山頂附近嘅山巒嘅合照。上面真係好曬呀!
DSC_5817 (1).JPG
照片:襯假日,都好有家庭都來到依度共聚天倫之樂。我哋仲見到有人玩降落傘點(Parachute)!

最後,我哋道別之後,Dyami同我就答返地鐵去咗灣仔一間位於W Square嘅新泰東南亞餐廳(Sun Thai Restaurant)。我哋都係用Open Rice你搵到呢間泰國餐廳嘅。今日第一次來光顧,已經係印象難忘。我哋乘搭W Square電梯到達位於二樓嘅呢間餐館後,已經見到人山人好。唔好計入面坐緊嘅人,就算起外面接待處等緊嘅人都有成十幾個客人。我因為行完山都已經好攰,就心諗就算等耐少少都冇乜所謂。我見到即時起接待處工作嘅姐姐,即時望到甩轆,當我叫咗一次『兩位唔該』佢就已經記住。佢好好笑容咁叫我哋等十分鐘到,結果就真係如佢所料,我哋差唔多時候好快就入咗去坐,仲要係位於大廳正中間啱啱好嘅二人枱。唔駛同人搭枱之餘,當我哋一想嗌嘢落order 嘅時候,佢哋都一睇就睇到。一切都令我感到呢度嘅服務真係非常之好。
DSC_5845 (1).JPG
照片:研究緊新泰東南亞餐廳(Sun Thai Restaurant)嘅餐廳。我哋好好運咁啱啱起人山人海嘅時候坐正大堂中間嘅二人枱,夠晒舒適

我哋叫咗嘢之後,一嚟就嚟咗個椰青沙冰(Fresh Young Coconut Smoothie)。同一般椰青唔同嘅地方,就係佢哋已經幫你刮晒椰青殼裏面嘅椰青肉出嚟,然後用攪拌機打成糊狀,再加碎冰製成Smoothie。通過椰青沙冰呢度個陣,啲冰多到起個椰青殼口度湧出來,真係驚喜萬分呀!飲咗幾啖,就覺得好有椰青果種天然嘅果甜味,好清新。唔使多講,飲晒之後,我哋就當然立即叫多個同樣嘅椰青沙冰嚟繼續降暑啦!
DSC_5867.JPG
照片:好清甜嘅椰青沙冰(Fresh Young Coconut Smoothie)。我哋真係冇諗過椰青做沙冰會有咁好嘅效果
DSC_5903.JPG
照片:我哋飲完咗個椰青沙冰(Fresh Young Coconut Smoothie)之後,就即刻叫另一個。照片後嘅為鐵板蠔仔炒蛋(Oyster Egg on hot pan)

之後就嚟咗個青芒果肉鬆沙律(Deep Fried Minced Fish Served w/ Green Mango Spicy Salad)。我之前未試過青芒果,冇諗過佢嘅口感近乎瓜嘅咬口,係索索聲個隻,而唔係係生果報埋熟都橙色嗰啲諗嘅芒果。加埋洋蔥碎同一絲絲嘅青瓜條,微辣而且脆口嘅嘅魚鬆配搭得好好。佢之後嚟嘅熱辣辣上枱,直到細細塊嘅印度薄餅(Roti Indonesian Style),同呢一個青芒果肉鬆沙律非常之夾。
DSC_5875.JPG
照片:辣辣地嘅青芒果肉鬆沙律(Deep Fried Minced Fish Served w/ Green Mango Spicy Salad)。 啲用魚做嘅肉鬆好脆,好夾啲青芒果條同埋洋蔥
DSC_5887.JPG
照片:起啱啱上咗枱,我哋已經得不及待食咗兩塊嘅印度薄餅(Roti Indonesian Style)。佢又熱,又爽脆,非常美味
DSC_5881.JPG
照片:食飯嘅途中。我哋真係好享受新泰東南亞餐廳(Sun Thai Restaurant)嘅食物同飲品

好快就嚟咗個燒原隻魷魚 (Grilled Squid)啦。條魷魚切到一片片,好彈牙。加上旁邊一啲生菜,可以中和返啲油膩感。個辣嘅醬汁都幾好。我哋亦都試咗個泰醬焗青口(Baked Mussels w/ Thai Style)。佢碟上六隻嘅青口,全部各自都有融咗嘅芝士起表面。加上有切咗粒嘅甜椒(paprika), 洋蔥(onion) 同泰醬,令到個青口好Juicy多汁,食完個青口都要啜埋啲汁先夠喉!
DSC_5877.JPG
照片:好有街邊風味嘅燒原隻魷魚 (Grilled Squid)。切咗條之後更加容易食!
DSC_5879.JPG
照片:有一層厚厚焗融咗嘅芝士起上面嘅泰醬焗青口(Baked Mussels w/ Thai Style)。好多汁,好Juicy!

最後,我哋追加咗個order, 叫鐵板蠔仔炒蛋(Oyster Egg on hot pan)。個餸連埋個鐵板一齊送上。上到枱,我見到接觸嗰鐵板嘅蛋仲喺度起熱油當中彈下彈下咁。做個一排都仲係keep主燒緊。當Dyami攞起啲黐住晒蠔仔嘅炒蛋個陣,啲熱氣多到起蛋嘅底下升上來。配上酸味味嘅醬,個蠔仔炒蛋夠鑊氣之餘,又唔會感覺得太過油膩。
DSC_5893.JPG
照片:鐵板蠔仔炒蛋(Oyster Egg on hot pan) 配酸咪咪醬汁。鐵板上嘅炒蛋同蠔仔真係會起上咗枱之後仲會起鐵板上煎下煎下感。個醬汁會中和返個油膩感

我哋非常滿意起新泰東南亞餐廳(Sun Thai Restaurant)嘅晚餐。由機會嘅話,必定再次返嚟再試其他嘅菜式。
DSC_5915.JPG
照片:新泰東南亞餐廳(Sun Thai Restaurant)嘅門口

詳細資料:

商舖資料:

LeTAO

性質:售賣來自北海道小樽嘅芝士及奶類甜點嘅商店
營業時間:每日上午十時半至晚上九點
地址:Shop 1033, 1/F, IFC, 1 Harbour View Street, Central
電話:2465 7203

新泰東南亞餐廳(Sun Thai Restaurant)

性質:泰國餐廳
營業時間:每日正午十二時至晚上十一時
地址:2/F, W Square, 314-324 Hennessy Road, Wan Chai
電話:2827 8877
Fax: 2327 3866
注一:新泰東南亞餐廳起香港有三間分店,分別起九龍尖沙咀北京道,灣仔盧押道,同埋今日我哋夜晚去咗嘅灣仔軒尼詩道。
註二:我哋點咗嘅菜式如下:(1)燒原隻魷魚 (98 HKD),(2)青芒果肉鬆沙律(108 HKD),(3)印度薄餅(30 HKD),(4)椰青沙冰兩個(每個55 HKD),(5)鐵板蠔仔炒蛋(88 HKD)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s