今日來自荷蘭弗里斯蘭省電台Omrop Fryslân 嘅電話訪問 -聯合國中文日

由 Ken Ho 撰寫

唔講唔知,今日原來係『聯合國中文日』(弗里斯蘭語:Sineeske dei)。呢個咁特別嘅日子,係由聯合國教育、科學及文化組織 (The United Nations Educational, Scientific and Cultural Organization),簡稱UNESCO制定嘅。慶祝呢一日嘅第一年係起2010年,之後每年打後都起四月二十日舉行。

估唔到嘅係,電台總部位於荷蘭弗里斯蘭省嘅omrop Fryslân起今日香港時間下午二時四十五分左右 (即係荷蘭時間嘅上晝八時四十五分)致電俾現時身處香港嘅Dyami Millarson 同我。作為起香港唯一一個識講弗里斯蘭語(Frisian)嘅香港人,佢哋當然有第一時間問我有關一啲廣東話常用嘅字(弗里斯蘭語:Sineeske wurden) 同埋起廣東話我哋都會用到嘅諺語(弗里斯蘭語:siswize)。起我之前起荷蘭弗里斯蘭省做嘅電台訪問(註一),我曾經談及我哋廣東話用嘅諺語同起弗里斯蘭語佢哋弗里斯蘭人(弗里斯蘭語:Friezen)用嘅,有異曲同工之妙嘅地方。有見及此,佢哋今次亦都有再深入同我了解返起嚟方面嘅例子。

除此之外,Omrop Fryslân 亦都有興趣知道更多現時我哋嗰語言項目(弗里斯蘭語:taalprojekt)嘅進展。佢哋尤其對於我語言老師Dyami Millarson 現時係我屋企暫住三個月,來去香港唔同嘅地方去體驗香港嘅文化同歷史感到興趣。所以我哋亦都有談及到Dyami Millarson 起香港嘅所見所聞。

有興趣嘅話,可以click以下個link,嚟收聽番我哋今日用弗里斯蘭語(弗里斯蘭語:It Frysk)同電台嘅節目主持人Arjen Overmaat嘅對話。

未命名.png
照片:我哋今日起荷蘭弗里斯蘭省電台Omrop Fryslân 最新嘅一個電話訪問。連結為:http://www.omropfryslan.nl/utstjoering/muzyk-yn-bedriuw-fan-20-april-2017-0900

以下為我哋起同節目主持人嘅對話大綱(已經翻譯做廣東話,並以原本弗里斯蘭語嘅對答為標準):-

主:主持人, 我:我哋 (由我接聽電話)

主:你同你來自荷蘭呂伐登(弗里斯蘭語:Ljouwert)嘅Dyami Millarson現時咪係起香港嘅,而你哋兩個對語言都好有興趣。咁其實你哋現時係香港做緊乜嘢?

我:Dyami Millarson 同我現時以語言項目二人組(弗里斯蘭語:twamanskip)嘅姿態嚟香港研究本地嘅語言,文化同宗教。為咗我哋個語言項目 Operation X, 我哋經常參與唔同嘅活動,以便運用唔同嘅方式理強調語言,文化同歷史嘅重要性。其實,我語言老師兼共同研習嘅朋友(弗里斯蘭語:stúdzjefreon)Dyami Millarson 嚟香港係有個融入香港文化嘅目標(弗里斯蘭語:kulturele misje)嘅。佢起居飮食同一般香港人無異。佢經常同本地人交流,亦有香港嘅朋友,而且住係我屋企,用筷子食嘢。更甚者,佢仲adopt 埋香港人我哋嘅習慣添。Dyami 同我一齊去香港唔同嘅地方都遊歷好多。我哋認識到好多人,亦都見識到好多有趣新奇嘅嘢。我哋有同香港人講關於弗里斯蘭語嘅嘢,亦都有話返弗里斯蘭語對認識英文語言歷史嘅幫助。我哋都發覺,好多人其實都未必話好認識弗里斯蘭語同埋位於荷蘭嘅弗里斯蘭省嘅一切。另外嘅係,我哋去咗好多富有本地特色嘅寺廟(弗里斯蘭語:timpel),餐廳,同埋建築物來參觀。我哋更起位於西貢嘅佛堂門天后古廟度搵到中國古代起石上刻有嘅文字,果度仲會起每一年嘅天后寶誕有大型嘅活動嚟慶祝天后嘅生日添。透過嚟啲嘅活動,你好以見到語言,文化同埋宗教嚟三者緊密嘅關係。我哋每一日就好似有個adventure咁,而我哋亦都有將我哋每一日嘅所見所聞記錄返起我哋個網址度。到底嘅網址係:http://operationblog.wordpress.com

主:起上年九月嘅時候,你有講到話弗里斯蘭語同埋廣東話起諺語方面有好多相似嘅地方,你仲有冇多啲例子呢?

我:第一個係,It izer smeie as it hjit is. 打鐵趁熱。另外一個係, jong houd moat earst jonkerje ear’t it baarne wol.玉不琢不成器

主:咁仲有冇其他字起弗里斯蘭語同埋廣東話係相似架?有冇啲簡單啲架?

我:當然有啦。『行』起廣東話嘅意思同弗里斯蘭語嘅『gean』起意思上係完全相同嘅。另外,『蜜糖』起廣東話解honey,而 『meed』起弗里斯蘭語解作蜜糖嘅飲料。

主:你之前亦都有話你仲想學埋其他起弗里斯蘭省嘅語言,例如話 Hylpersk, Skiermûntseagersk, Aastersk 同埋 Westersk。而家你學嚟啲語言嘅情況如何呀?

我:我起嚟幾個月非常之忙。我一直都做緊一個由Rijksuniversiteit Groningen (簡稱RUG)administer 嘅 一個有關語言嘅Distant learning (弗里斯蘭語:Taalkundekursus op ôfstân)。我呢一刻仲寫緊一本用弗里斯蘭語嘅書,嚟記錄低返我上年由六月至九月起弗里斯蘭省嘅經歷。所以,我今次用咗六個月到先學完Aastersk。我係現時唯一一個識Aastersk 嘅亞洲人。我亦都經常以Aastersk嚟寫唔同嘅文章嘅。當我遲啲再去弗里斯蘭省嘅時候,我想多啲有訓練我講Aastersk嘅 機會。除此之外,我仲想學Skiermûntseagersk 同埋 Hylpersk 添。

主:咁其實你係點可能咁勁起咁短時間學到晒所有嘢家?有咩嘢令到你咁着迷呢?

我:我嘅語言老師Dyami Millarson 一直係我靈感嘅來源。係佢身上,我學到一個好特別學習語言嘅方法(弗里斯蘭語:spesjale metoade)。佢亦都有為我提供好貼身嘅專人指導(弗里斯蘭語:Yntinsive persoanlike begelieding)。佢起我識佢一開始為我做嘅一切一切都唔好以用錢衡量。起我上年到弗里斯蘭新住嘅果三個月,佢更係功不可沒。無佢嘅話,我根本冇可能可以咁快就學識都弗里斯蘭語。佢簡直係一個好有天份嘅語言老師(弗里斯蘭語:in talintearre taallearkrêft)’。佢對語言嘅認識好多,亦都好professional。我對語言嘅興趣好大,而咁做亦都令我對文化加深咗認識。學咗弗里斯蘭語之後,我對英文亦都有助深入嘅了解。

主:起呢一刻,我就要用弗里斯蘭話同你講聲再見,而你就會唔會用廣東話同我哋講嚟?畢竟,今日係聯合國中文日。

我:再見!

主:多謝你嘅時間呀,Ken Ho。 再見!(弗里斯蘭語: oant sjen)

就係咁,我哋一個咁有趣嘅對話就完結咗啦。我哋都好希望下次會再同佢對話啦!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s